Ngembek Geli-Gelinyo Bee !

Acara panjat pinang tujuh belasan taon ini yang diselenggarakan di 20 ilir Palembang rame nian...
Berbeda dengan taon lalu, taon ini hadiahnyo bukan cuma lebih banyak, tapu jugo lebih menarik sampe sepeda jugo
digantung di pucuk pohon pinang sebagai hadiahnyo..
Peserta nyo lebih banyak jugo, hampir sekampung melok galo, Panitia sengajo cari pohon
pinang yang besak dan tingginyo sampe delapan meter, udah itu pohon nyo di balut dengen pelumas yang licin dan luarnyo dibalut lagi dengen minyak gemuk.
Panitia mengolah pecak ini mempertimabangke hadiah nyo yaang lebih banyak dari taon lalu...

Buktinyo bee banyak pemuda kampung gagal, termasuk Udin(Bujang gang sadar) yang dikenal punyo kemampuan cak monyet kalu manjat
pohon kelapo gagal jugo.
Sampe Mat Sani preman pasar cinde tertarik pulok, melok nyubo manjat tapi setelah empat kali nyubo gagal, dio pun menyerah.

Tau-tau si Leman(Banci kaleng pasar 16 ilir) sambil nggulung sarung menerobos bujang-bujang yang berkerumun.
"Dasar lanang disini lelet galo... manjat bee dak kuawo!!" Kato Leman..
Mulonyo bujang-bujang itu nak marah tapi setelah nyingok teknik manjat si Leman ngeyakinke, dari semeter ke semeter dio berhasil nyampe kepucuk,
malah mereka jadi kagum campur aneh.
Menjadi aneh kareno si Leman walau lah dipucuk tapi hadiah yang diembek cuma sikok, walau sebenernyo dio pacak narik hadiah yang lebih banyak....

Keanehan lain lagi tingkah nyo waktu meluncur kebawah di teiak-teriak: "Aiiihh..gelii!"
lalu manjat lagi, turun lagi sambil teriak:"Oii..geli..geli.."(dengan rai bancinyo)
Selang setengah jam kemudian arena panjat itu ditinggalke nyo walau hadiah dipucuk masih ado..

Bujang-bujang nanyo:"Oi Leman.. ngapo dak kau abiske hadiah nyo??"
Leman:"Aii.. aku dak peduli dengan hadiah itu.. Aku manjat cuma NGEMBEK GELI-GELINYO BEE!!!"
Bujang-Bujang:"Dasar banci !!"